Հաղարծինի «Թաքնված ջրվեժ» գնացած զույգն ընկել է գետը. աղջկան հաջողվել է ինքնուրույն դուրս գալ, իսկ տղան` ոչ. նրա մարմինը հայտնաբերվել է այսօր - Erevan.live

Լրահոս

Լրահոս

Translate

5/30/2022

Հաղարծինի «Թաքնված ջրվեժ» գնացած զույգն ընկել է գետը. աղջկան հաջողվել է ինքնուրույն դուրս գալ, իսկ տղան` ոչ. նրա մարմինը հայտնաբերվել է այսօր

 ՀՀ ԱԻՆ-ը նոր մանրամասներ է հայտնել Հաղարծինում արձանագրված դեպքի մասին. զույգն ընկել է գետը. աղջկան հաջողվել է ինքնուրույն դուրս գալ գետից, տղային` ոչ. նրա մարմինը հայտնաբերվել է այսօր առավոտյան` գետում։



«Մայիսի 28-ին, ժամը 16։23-ին Տավուշի մարզային ճգնաժամային կառավարման կենտրոն ահազանգ է ստացվել, որ Հաղարծին գյուղի «Թաքնված ջրվեժ» կոչվող տարածքում քաղաքացին մոտ 5 մ բարձրությունից ընկել է գետը, այնուհետև ինքնուրույն դուրս եկել:


Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։


Պարզվել է, քաղաքացին ինքնուրույն դուրս է եկել գետից, սակայն չի գտնում ընկերոջը և կասկածում է, որ վերջինս նույնպես ընկել է գետը։


Փրկարարները ոստիկանության աշխատակիցների հետ համատեղ գետի երկայնքով (մոտ 10 կմ) և հարակից տարածքներում իրականացրել են որոնողական աշխատանքներ:


Մթության և բարդ ռելիեֆի պատճառով որոնողական աշխատանքները դադարեցվել են:


06։00-ին որոնողական աշխատանքները վերսկսելու նպատակով դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։



07։20-ին փրկարարները գետում հայտնաբերել են Վ․ Բ․ Ս․-ի (ծնված 1993 թ.) դին»,- հաղորդել է ԱԻՆ-ը։։

Комментариев нет:

կարդացեք նաև