Անհրաժեշտության դեպքում ռուսական զորքերը կմտնեն Բելառուս. Լուկաշենկո - Erevan.live

Լրահոս

Translate

կարդացեք նաև

6/02/2021

Անհրաժեշտության դեպքում ռուսական զորքերը կմտնեն Բելառուս. Լուկաշենկո

 Անհրաժեշտության դեպքում Ռուսաստանը Բելառուսին կմատակարարի ամենաժամանակակից զենքերը: Այդ մասին Ալեքսանդր Լուկաշենկոն հայտարարել է այսօր՝ հունիսի 1-ին, Ռուսաստանի հետ համագործակցության վերաբերյալ նիստի ժամանակ:




Նրա խոսքով՝ Սոչիում Ռուսաստանի նախագահ Վլադիմիր Պուտինի հետ բանակցությունների թեմաներից մեկը վերաբերում էր ռազմարդյունաբերական համագործակցությանը, այդ թվում՝ Բելառուսին ժամանակակից զենքի մատակարարմանը: Այս մասին հաղորդում է ТАСС-ը:



«Որևէ քննարկում չի եղել Ռուսաստանի զինված ուժերը մշտական հիմունքներով Բելառուս տեղափոխելու և ռազմաբազաներ ստեղծելու վերաբերյալ, դա ընդհանրապես չի քննարկվել»,- հայտարարել է Լուկաշենկոն:


«Կլինեն որոշակի կասկածներ, կնկատվի ակտիվացում ՆԱՏՕ-ում, ռազմական բախման վտանգ, 24 ժամվա ընթացքում ռուսական ստորաբաժանումներն ու զորքերը կմտնեն Բելառուս»,- նշել է նախագահը:


Լուկաշենկոն վստահեցրել է, որ Պուտինի հետ բանակցություններում չի քննարկվել Բելառուսի ինքնիշխանության հարցը:


«Որպեսզի չլինեն ենթադրություններ, թե մենք «հանձնում ենք» մեր ինքնիշխանությունն ու անկախությունը, ասեմ, որ այս թեմայով ոչ մի խոսակցություն չի եղել: Մենք այդ մասին ընդհանրապես չենք խոսել: Հիշեցնեմ, որ մեզ միայն մեկ բան է պետք՝ հավասար պայմաններ՝ տնտեսվարող սուբյեկտների, անհատների համար»,- ասել է Լուկաշենկոն:



Մայիսի 28-ին Սոչիում տեղի ունեցան Պուտին-Լուկաշենկո բանակցությունները, իսկ մայիսի 29-ին կայացավ երկու ղեկավարների հանդիպման ոչ պաշտոնական մասը:




Комментариев нет: