Վերացել են ընտանեկան, ընկերական ու մարդկային բոլոր սրբություններն ու արժեքները. Միայն շահն է մեզ հետաքրքիր․ Արմինկա - Erevan.live

Լրահոս

կարդացեք նաև

12/07/2020

Վերացել են ընտանեկան, ընկերական ու մարդկային բոլոր սրբություններն ու արժեքները. Միայն շահն է մեզ հետաքրքիր․ Արմինկա

 


Լոս Անջելեսում բնակվող երգչուհի Արմինկան նոր գրառում է կատարել, որում կիսվել է հայոց լեզվի, ընտանեկան արժեքների, Աստծուց հեռանալու, խտրականությունների մասին իր մտորումներով։

«Եթե մի կողմ թողնենք քաղաքական կեղտոտ խաղերն ու մի լավ տնտղենք մեզ ներսից, ապա կտեսնենք ու կընդունենք, որ մեր՝ հայերիս, բոլոր փորձանքների ու ողբերգությունների մեղավորը, մեծ հաշվով, մենք ինքներս ենք…


Առաջին քրիստոնյա ազգն ենք-գոռում ենք աշխարհին: Իսկ ինչպե՞ս ենք ապրում մեր քրիստոնեական կյանքը. չարախոսելով, աջ ու ձախ բոլորին դատելով, նախանձ ու անմաքուր մտքերով:

Մենք երբևէ ավելի հեռացած չենք եղել Աստծուց, ինչքան որ հիմա ենք…

Հայերենն աստվածային լեզու է, ասում ենք…իսկ իրականում եթերը (որն, ի դեպ կրթական միսիա ունի) ողողված է փողոցային խոսակցական գռեհիկ «հայերեն» հնչեցնող սերիալներով ու հաղորդավարների կիսագրագետ հայերենով: Համացանցը փայլում է անեծքի ու հայհոյանքի քանակով ու որակով: Դասագրքերի հայերենի մակարդակի մասին ավելի լավ է լռեմ…

Վերացել են ընտանեկան, ընկերական ու մարդկային բոլոր սրբություններն ու արժեքները: Միայն շահն է մեզ հետաքրքիր. ու՞մ հետ շփվել, ու՞մ կողքին հայտնվել, որպեսզի լավ լինի քեզ ու քո նեղ անձնական շրջանակին…

Մենք ՀԱՅ ենք, ասում ենք:

Բայց միշտ ունենք խտրականություն ինքներս մեր մեջ՝ երևանցի, գյումրեցի, քյավառցի, լոռեցի…էլ չեմ ասում՝լիբանանցի, սիրիացի…

Մենք լուռ ատում ենք բոլոր նրանց, ովքեր մի փոքր ավելի հաջողակ, կայացած ու երջանիկ են մեզնից…

Ու քանի դեռ մենք հաշտ ու խաղաղ չենք ինքներս մեզ հետ ու ինքներս մեր մեջ, Աստված հեռանալու է մեզնից, իսկ թշնամին (նաև ներքին) բաց չի թողնելու առիթը՝ մեզ նորից ու նորից խոցելու…»,- գրել է երգչուհին։




Комментариев нет: