Արցախից Հայաստան վերադարձած մի շարք զինծառայողներ այսօր մտադիր են հանրահավաք իրականացնել Երևանում. հորդորում ենք զերծ մնալ. Էդուարդ Աղաջանյան - Erevan.live

Լրահոս

կարդացեք նաև

11/18/2020

Արցախից Հայաստան վերադարձած մի շարք զինծառայողներ այսօր մտադիր են հանրահավաք իրականացնել Երևանում. հորդորում ենք զերծ մնալ. Էդուարդ Աղաջանյան

 Վարչապետի աշխատակազմի ղեկավար Էդուարդ Աղաջանյանը ֆեյսբուքյան իր էջում գրել է. «Սիրելի՛ հայրենակիցներ,



Տեղյակ ենք, որ Արցախից Հայաստան վերադարձած մի շարք զինծառայողներ և որպես կամավոր առաջնագիծ մեկնած քաղաքացիներ այսօր մտադիր են հանրահավաք իրականացնել Երևանում՝ ի աջակցություն Հայաստանի Հանրապետության կառավարության և վարչապետի։ Շնորհակալ ենք յուրաքանչյուրիդ ցուցաբերած աջակցության համար, և վստահեցնում ենք, որ մեր աշխատանքով կարդարացնենք այն։

Միաժամանակ, հորդորում ենք զերծ մնալ ցանկացած հանրահավաք կազմակերպելուց, քանի որ ռազմական դրության իրավական ռեժիմի պայմաններում արգելված է հավաքների կազմակերպումն ու դրանց մասնակցելը։ Բացի այդ՝ այս օրերին մեզ առավել քան երբևէ համախմբվել է պետք ու մեր ամբողջ ներուժն ուղղել հայրենիքի վերակառուցմանը։

Ողջախոհություն բոլորիս»։

Комментариев нет: