«Երբ բոլորը ծիծակ կոշիկներով էին, ես ճղճղած ջինսով նկարահանվեցի»․ Վարդան Սարգսյանը՝ «Խենթ» երգի և Ռաֆոյի հետ մտերմության մասին

90-ականների ամենահայտնի հիթերից Վարդան Սարգսյանի «Խենթ» երգն այսօր էլ շարունակում է հանրահայտ լինել, իսկ պատճառներից մեկը «Կարգին հաղորդման» սքեթչերից մեկի ժամանակ դերասան Ռաֆայել Երանոսյանի հումորային կատարումն էր։

Վարդանը 365news.am-ի հետ զրույցում  նշեց, որ չէր պատկերացնում, որ 15 տարվա պատմություն ունեցող այս երգը հիմա էլ հայտնի է և սիրված․ «Այս երգը հիշում են ոչ միայն մեր սերունդի մարդիկ, այլ փոքրերը ևս գիտեն, իսկ դա դա նշանակում է՝ մի քանի սերնդի կյանք է ունենալու․ ինձ համար ոգևորող հանգամանք։ Ընդհանրապես ամեն երգչի մոտ չէ, որ իր երգերից մեկը ապրի մի քանի սերունդ։ Հիմա ես ու Ռաֆոն երգին նոր շունչ ենք տալիս և կյանքն ավելի կերկարացնենք»։

Երբ «Կարգին հաղորդման» սքեթչերից մեկի ընթացքում Ռաֆոն կատարեց այս երգը Վարդանին այդ փաստը ուրախացրեց, հայտապես որ հաղորդումն այդ տարիներին շատ ռեյթինգային էր․ «Ցավոք այդ ժամանակ մարդիկ այլ ձև էին ընկալել և այդ փաստը ինձ նյարդայնացնում էր, բայց ժամանակի ընթացքում ամեն բան փոխվեց։ Մարդկանց թվում էր՝ ես թեթև մարդ եմ, բայց ուրախ եմ, որ իմ նախագծերի շնորհիվ ինձ այլ կերպ բացահայտեցին»։

Այն հարցին, երգին նոր շունչ տալը դա ՓՌ քայլ է, թե՞ զուտ ցանկություն․ «Ես ինչ որ մի գործ անելուց ՓՌ-ի մասին չեմ մտածում, եթե մի երկու ամիս առաջ ցուցադրում էի իմ հաղորդումների ժամանակ մարդակեր ցեղերին և այդ ծրագրեն ունեցան շատ բարձր ռեյթինգներ, ես նկարահանումների ժամանակ դրա մասին չէի մտածում, ուզում էի որ լինի հետաքրքիր, մարդիկ ալիքը չփոխեն և հաճույքով դիտեն։ Այս երգը որպես ՓՌ քայլ չեմ կարող համարել, արդեն մի տարի է ունեի ցանկություն տեսահոլովակ նկարահանելու։  Գործ անելուց երբեք առաջինը դրա մասին չեմ մտածում, եթե այդպես լիներ մի քանիսի նման շաբաթը մի քանի անգամ կամուսնանամ և կբաժանվեմ, ինձ համար կարևորը լավ գործ անելն է»։