Արսեն Թորոսյանը՝ վարչապետի կողմից Ռ. Յոլյանի անվան Արյունաբանական կենտրոնի տնօրենի հետ աշխատանքային պայմանագիրը երկարացնելու հանձնարարականի մասին

Առողջապահության նախարար Արսեն Թորոսյանը, որին այսօր վարչապետ Նիկոլ Փաշինյանը հանձնարարել է երկարացնել Արյունաբանական կենտրոնի տնօրենի հետ աշխատանքային պայմանագիրը, ոչ մի հակասություն չի տեսնում իր և վարչապետի դիրքորոշումներում։

«Ոչ մի հակասական բան չկա, մնացածն ամեն ինչ պարզաբանվել, մեկնաբանվել եւ բացատրվել է»,- լրագրողների հետ զրույցում ասել է Թորոսյանը՝ ՔՊ գրասենյակում տեղի ունեցած հավաքից հետո:

Հիշեցնենք, որ նախքան նիստի սկսվելը ՀՀ վարչապետ Նիկոլ Փաշինյանը գրառում էր արել, հայտնելով, որ առողջապահության նախարարին հանձնարարել է երկարացնել Ռ. Յոլյանի անվան Արյունաբանական կենտրոնի տնօրենի հետ աշխատանքային պայմանագիրը։