Նա նշեց, որ պարբերաբար զրուցել է բժիշկների հետ, քանի որ այս խնդիրը նոր չէ, այն եղել է. «Այստեղ պայմանագիրը չերկարացնելու տարբեր ձևեր ու պատճառաբանություններ կան։ Սամվել Դանիելյանն այն բժիշկն է, ով արժանի է, որ իրեն շնորհակալություն հայտնեն։ Նա հիմնադրել է Մանկական արյունաբանական կենտրոնը Հայաստանում, նրա շնորհիվ արյունաբանությունը մրցունակ է դարձել ամբողջ աշխարհում։ Եվ կարծում եմ, որ այսքանից հետո, եթե նույնիսկ որոշում կար պայմանագիրը չերկարացնելու, կարելի էր ուղղակի զրուցել, հեռախոսազանգով տեղեկացնել և շնորհակալություն հայտնել ներդրած ավանդի համար։ Այդ դեպքում կարծում եմ, որ այս խնդիրը չէր առաջանա։ Խնդիրն առաջացել է վերաբերմունքի ու ձևի պատճառով։ Եթե այս տեսանկյունից նայենք, ապա կարծում եմ, որ մեզանից յուրաքանչյուրն էլ կունենար ներքին ընդվզում։ Շատ լավ հասկանում եմ, որ վարչապետն էլ ամբողջությամբ չի ուսումնասիրել հարցը և շատ էմոցիոնալ մոտեցում ցուցաբերեց բժիշկների առումով և նրանց մեղադրելով։ Բայց ես ինքս իմ առարկությունները հայտնել եմ և խնդրել եմ, որ վերանայի վերաբերմունքը և ավելի մանրամասն ուսումնասիրի, թե ինչ խնդիրներ այնտեղ կան»։
.jpg)
No comments:
Post a Comment