Վիրահատությունը տևեց 7 ժամ 20 րոպե, արյուն շատ էի կորցրել. Պավլիկ Մանուկյան

Օգոստոսի 18-ի դատական նիստի ժամանակ «Սասնա ծռերի» գործով ամբաստանյալ Պավլիկ Մանուկյանի փաստաբան Զարուհի Փոստանջյանը տեղեկացրել էր, որ իր պաշտպանյալը գտնվում է հիվանդանոցում ու ստանում է ստացիոնար բուժում։ ArmDaily.am-ի հետ զրույցում Պավլիկ Մանուկյանն ասաց, որ հիմա տանն է, պառկած է։


«Դեռ բուժումը տևում է։ Ոտքի լուրջ վիրահատություն էր, ծնկում ինֆեկցիա ունեի, մետաղական կոնստրուկցիան հեռացվեց, փոխվեց, միջից մտցրին։ Վիրահատությունը տևեց 7 ժամ 20 րոպե։ Արյուն շատ էի կորցրել, թթվածնային քաղց էր առաջացել, սրտի անբավարարվածություն, հետո չգիտեմ որտեղից հայտնվեց թոքաբորբ, երիկամային անբավարարվածություն։ Մի խոսքով դուրս եկա ականապատված դաշտ։ Այդքան բանից հետո ինչպես կարող եմ ինձ լավ զգալ, դարձել եմ 62կգ»,-նշեց նա։