Իսրայելի եւ ԱՄԷ-ի միջեւ կնքված համաձայնագիրը կարող է ավարտվել Աբու Դաբիի կողմից ամերիկյան սպառազինության գնմամբ - Erevan.live

Լրահոս

կարդացեք նաև

8/21/2020

Իսրայելի եւ ԱՄԷ-ի միջեւ կնքված համաձայնագիրը կարող է ավարտվել Աբու Դաբիի կողմից ամերիկյան սպառազինության գնմամբ

Իսրայելի եւ ԱՄԷ-ի միջեւ կնքված համաձայնագիրը կարող է ավարտվել Աբու Դաբիի կողմից ամերիկյան սպառազինության գնմամբ, ինչը կարող է փոխել ինչպես տարածաշրջանում Իսրայելի ռազմական գերակայությունը, այնպես էլ Իրանի հետ ուժերի հավասարակշռությունը, գրում է AP-ը:


ԱՄՆ նախագահ Դոնալդ Թրամփը նախօրեին լրագրողների հետ զրույցում ասել է, որ Էմիրատները հետաքրքրված են F-35 կործանիչների գնմամբ, եւ նման գործարքի կնքումը հնարավոր է:


ԱՄԷ-ն երկար տարիներ շարունակ փորձում է ամերիկյան անօդաչու թռչող սարքեր գնել, եւ դրա համար այժմ հնարավորություն կա:

Իսրայելի վարչապետ Բենյամին Նեթանյահուն բազմիցս հերքել է Էմիրատների հետ գործարքի եւ զենքի վաճառքի միջեւ ցանկացած կապ:

Որպես կանոն՝ Իսրայելը դեմ է հանդես գալիս Մերձավոր Արեւելքի ցանկացած այլ երկրի F-35-ի եւ այլ ժամանակակից զենքի վաճառքին՝ ռազմական գերակայությունը պահպանելու համար: Իսրայելը վախենում է նաեւ տարածաշրջանում սպառազինությունների մրցավազք հրահրելուց:

Սակայն F-35 կործանիչների գնումը կմեծացնի Իրանի նկատմամբ գերակայությունը:

ԱՄԷ-ն բազմիցս ձգտել է American Reaper անօդաչուներ գնել:

Նրանք արդեն օգտագործել են չինական արտադրության անօդաչուները Եմենում մարտի դաշտում:

ԱՄԷ-ի արտաքին գործերի նախարարությունը հայտարարում է, որ ԱՄԷ-ի եւ Իսրայելի միջեւ համաձայնագիրը վերջին հաշվով կներառի «անվտանգության եւ պաշտպանության ասպեկտներ»: ԱՄԷ-ի արտաքին գործերի պետական նախարար Անվար Գարգաշն ավելի վաղ հայտարարել է, որ այժմ F-35-ի գնումը հեշտ կլինի Իսրայելի հետ գործարքի կնքումից հետո՝ ԱՄԷ-ի կողմից ռեակտիվ կործանիչ գնելու ուղղությամբ 6-ամյա ջանքերի ֆոնին: 

Комментариев нет: