Արզնու ձորի չշահագործվող առողջարանում հրդեհ է բռնկվել

Արզնու ձորի չշահագործվող առողջարանի առաջին հարկում օգոստոսի 18-ին հրդեհ է բռնկվել։

ԱԻՆ-ը հայտնում է, որ ժամը 06:04-ին նման ահազանգ է ստացվել մարզային ճգնաժամային կառավարման ազգային կենտրոն։


Դեպքի վայր են մեկնել ԱԻՆ ՓԾ Կոտայքի մարզային փրկարարական վարչության և Երևան քաղաքի փրկարարական վարչության հրշեջ-փրկարարական ջոկատներից երկուական մարտական հաշվարկ։

Պարզվել է, որ այրվում են Արզնու ձորում գտնվող չշահագործվող առողջարանի 1-ին և 2-րդ հարկերի բաղդադե միջնապատերը (մոտ 100 քմ)։

Հրդեհը մեկուսացվել է ժամը 08։12-ին, մարվել՝ 09։06-ին։