Պատմության մեջ չկա այս հոդվածով՝ ընտրակաշառքով, մարդ կալանավորել. Գագիկ Ծառուկյան - Erevan.live

Լրահոս

Այսուհետ մեը հոդվածների մի մասը կլինի անգլերեն հատուկ արտասահմանի համար

From now on, some of our articles will be in English specifically for foreigners


կարդացեք նաև

6/19/2020

Պատմության մեջ չկա այս հոդվածով՝ ընտրակաշառքով, մարդ կալանավորել. Գագիկ Ծառուկյան


Պատմության մեջ չկա այս հոդվածով՝ ընտրակաշառքով, մարդ կալանավորել։ Այս մասին այսօր հունիսի 19–ին, դատարանից դուրս գալով լրագրողներին ասաց ԲՀԿ ղեկավար Գագիկ Ծառուկյանը։

«Դատարանը դեռ չի որոշել, գնացել է որոշելու, մինչեւ կիրակի օրը։ Այս հոդվածով մինչ այսօր չի եղել, ինչ որ կալանավորելու կամ ձերբակալելու միջնորդություն ներկայացնեն Ազգային օլիմպիական կոմիտեի նախագահին, Երկրորդ ընդդիմադիր քաղաքական ուժին։


Ուզում եմ միայն մի հայտարարություն անել, եթե երկրի այս վիճակը՝ համաճարակի տարածումը, այս աղքատությունը, տնտեսական անկումը, ե՞ս եմ մեղավոր, պատճառը ե՞ս եմ. ես պատրաստ եմ ինքնակամ գնալ այդ պատիժը կրելու, բայց էլի եմ ասում՝ ինձ համար շատ զարմանալի է այս ամենը։ Պատմության մեջ չկա այս հոդվածով՝ ընտրակաշառքով, մարդ կալանավորել»,– ասաց նա։

Լրագրողի հարցին, երբ գործադիրի մաս էիք կազմում այն ժամանակ էլ ձեզ հետ առնչվող մարդկանց հետ կապված քրեական գործեր կային, ինչո՞ւ այդ ժամանակ չէիք ասում, որ դա քաղաքական հետապնդում է, Ծառուկյանը պատասխանեց. «Ես կասկածում էի, բայց իրավունք չունեի դա արտահայտելու, միշտ մտածել եմ, որ քննությունը կատարվի, բայց այսօր ես ինչ ասացի, իմ ասածներին տեր եմ»։

Նշենք, որ Գագիկ Ծառուկյանին մեղադրանք է առաջադրվել ընտրակաշառք տալու համար։ Նա իրեն առաջադրված մեղադրանքը չի ընդունում եւ այն որակում է շինծու գործ։

Հիշեցնենք, որ հունիսի 16-ին, Ազգային ժողովը հավանություն է տվել ՀՀ գլխավոր դատախազ Արթուր Դավթյանի ներկայացրած երկու միջնորդություներին՝ Գագիկ Ծառուկյանին պատգամավորական անձեռնմխելիությունից զրկելու եւ ազատազրկելու վերաբերյալ։


Комментариев нет: