«Լուրեր»-ի հաղորդավարը ուղիղ եթերում հայտարարեց, որ Հանրային հեռուստաընկերությունում կորոնավիրուսի դեպքեր կան. ինչո՞ւ էր տնօրենը հերքում

Քիչ առաջ Հանրային հեռուստաընկերության «Լուրեր»-ի ուղիղ եթերի ժամանակ հաղորդավար Հայկ Նավասարդյանը բժշկական պաշտպանիչ դիմակով էր եթեր մտել և մինչ լուրերի թողարկումը սկսելը հայտարարեց, որ չնայած կանխարգելիչ բազմաթիվ միջոցառումների, Առաջին ալիքում ևս արձանագրվել է նոր կորոնավիրուսով վարակման դեպք, ուստի այսօրվանից եթեր են մտնելու դիմակով։


Մեր տեղեկություններով որոշ ժամանակ Առաջին ալիքի առանձին հաղորդումների եթերներում հյուրեր չեն լինելու՝ կորոնավիրուսով պայմանավորված։

ԳՈՎԱԶԴ00:12Իմանալ ավելին
Նշենք՝ այսօր ArmDaily.am կայքը տեղեկություն էր ստացել, որ Հանրային հեռուստաընկերությունում կորոնավիրուսի նոր դեպքեր են հաստատվել։

Մասնավորապես՝ մեր տեղեկություններով Հանրային հեռուստաընկերության 2 աշխատակցի մոտ հաստատվել է կորոնավիրուսը, ինչի հետևանքով կան բաժիններ, որոնցում աշխատանքը դադարեցված է։ Մեր այս տեղեկությունը փորձեցինք ճշտել նախ՝ Պետրոս Ղազարյանից, ով նշեց, որ նման տեղեկատվության չի տիրապետում, հավելելով, որ լուրերի և քաղաքական բաժիններում կորոնավիրուսի հաստատված դեպքեր չկան։

Իսկ Հանրային հեռուստաընկերության տնօրենի ժ/պ Արմեն Սարգսյանը մեզ հետ զրույցում հերքեց լուրը, նշելով, որ միայն մի դեպք է գրանցվել, այն էլ ապրիլի 17-ին, իսկ նոր դեպքեր, ինչպես նաև նոր դեպքերով պայմանավորված մեկուսացվածներ չկան։